【Viu】MIRROR成員姜濤、Anson Lo、Jeremy今晚為《Cantopop321慈善演唱會》表演，齊齊分享廣東歌對自己嘅意義。Jeremy以紅皮褸造型首唱新歌《Away》，Hot爆全場；其後佢話廣東歌由細到大陪伴自己成長，經歷情緒高低起落，仲送上容祖兒嘅高難度歌曲《心淡》，高音甜、中音準、低音靚，大成功呀！表演完後，Jeremy隨即趕往下個工作場地，仲話：「有個令我好緊張嘅拍攝！」仲率先送上心心相畀各位Unicorns添！
至於Anson Lo就以白馬王子Look現身，跳唱完《Megahit》 後話廣東歌多變，希望可以繼續透過廣東歌傳遞正能量，仲同全場觀眾一齊玩「Uh Oh Uh Oh」，High爆呀！其後送上慢歌《你都有今日》鼓勵大家！
而姜濤就話做咗歌手後更加體會到喺承傳廣東歌方面責任重大，仲套用Tiger金句話：「你哋都知我哋唔後生，Tiger都話過多幾年MIRROR都30歲，希望大家多啲叫00後、10後支持廣東歌！」並送上前輩陳百強金曲《等》，以及《你要倔強》！大家快啲睇現場實況，識唱嘅一齊唱啦！
