【Viu】Shirley沈殷怡同Asha徐㴓喬出席ViuTV全新節目《百日女團》記者會，即席示範「女團三式」，仲寫咗手寫信畀Fans添！期間ERROR嘅Fatboy同保錡路過，自稱係嚟睇主持Brian陳安立嘅，場面搞笑！
Shirley同Asha高呼節目內容好「赤裸」，預告片已經有素顏睡衣Look，笑言自己都唔係好敢睇！佢哋又話最難忘係負14度喺韓國街頭表演，Asha爆Shirley就算凍到僵仍然可以保持笑容，所以名正言順做隊長，自己就係副隊長。
講到Shirley噚日同強尼拍檔做金像奬紅地氈主持，佢就爆笑分享另類「集郵」方法，仲話見到Fish廖子妤封后好感動，又模仿強尼大哥點樣幫Fish拍片紀錄珍貴時刻。不過，Shirley話最好笑係見到要上台獻唱嘅Thor淆底；Asha即刻加入「剝花生」呀！
此外，Brian都話做紅地氈主持感觸良多，訪問好友Locker時齊齊眼濕濕，亦戥曾合作嘅Fish同衛詩雅得獎高興。Brian仲開心Share ViuTV藝人打Pickleball嘅實力排行榜，想知姜濤排第幾就睇足本訪問啦！
