【Viu】由Thor同Asha主持嘅節目《無痕旅遊模式》帶大家遊北歐，深入了解環保可以由多方面入手，大開眼界㗎！老友鬼鬼嘅Thor同Asha喺節目中要面對唔少挑戰、自認係「東亞懦夫」嘅Thor要以飛索飛越礦洞時，仲驚到講不出聲，好彩Asha知佢咩料，即刻叫製作團隊「收聲多謝」，先至令Thor成功衝破心理關口咋！
兩位之所以咁Friend，原來全因當年一套劇《迷失假期》，令Thor同Asha由陌生人秒變同居密友，過程笑中有淚之餘，仲有滿腔怒火，真係笑到有腹肌呀！雖然歌都有得你唱「能成為密友大概總帶着愛」，但Thor同Asha一聽到拍戲演情侶就喊驚，仲搞笑話好有《雷雨》Feel添喎！想知點解就睇專訪啦！
