【Viu】S舒淇憑《女孩》榮膺《第44屆香港電影金像獎》嘅「新晉導演」，曾於97年憑《色情男女》奪「最佳新演員」同「最佳女配角」嘅佢，笑言估唔到29年後仲可以拎「新人獎」。咦？咁係咪最想拎埋金像影后呢？舒淇就嘆咗一口氣話：「我入圍咗好多次喇！志在參與！」
「最佳新演員」由《女孩不平風》嘅鄧濤勇奪，佢首先多謝好拍檔韓寧，仲話：「冇佢冇我！」又笑言想飲酒慶祝，絕對係性情中人！
此外，Juno麥浚龍同Jona Sees憑《風林火山》片奪得「最佳美術指導」，Juno話喺頒獎禮前有同杜德偉講可以拍到《風》片好夢幻，仲話5個鐘版本有機會喺串流平台睇到添！
