【Viu】Locker林家熙 、胡子彤、朱鑑然今晚到Gym Room拍廣告，呢3兄弟話平時都冇一齊做gym，反而Locker就有孖Marf拍拖健身，仲沾沾話雖然瘦咗冇晒胸肌，但Marf一樣咁愛佢，喂呀小編糖尿病喇！講到本月中嘅金像獎角逐「最佳男配角」，Locker話已準備兩套戰衣希望當晚可以着晒，仲話已諗定得獎感言，希望有得上台。
3子f當中，子彤胸肌最澎湃，仲即場隔住件衫示範震波添！講到《九龍城寨之終章》，佢話下星期就開機，仲激讚今次個景係超越Amanzing。子彤又透露今次會俾人打多，但無懼受傷盡力打。
昔日係港隊泳將嘅朱仔就話唔怕身材輸俾子彤，佢憶起以前要1星期操10堂搞到Body打橫嘅人生都嗌恐怖，而家舒服就好了。想知更多就入嚟睇訪問片啦！
