【Viu】AK江𤒹生同樂隊晚安莉莉前晚（4日）喺亞博炸爆《Con-Con Mix Some Music音樂節》，AK邀老Best天衡為佢彈結他唱《信之卷》，又首唱新歌《攬緊處理》，更以日文唱《數碼暴龍》主題曲《Butter-Fly》，喂呀勁正！唱到high high地，AK更5度玩自摸，仲除皮褸露結實手臂，小編嗌到喉嚨都沙啦！
晚安莉莉亦首唱新歌《當我們不再說晚安》，其間遇少少技術故障，成員阿雞衝出陪Sinnie講嘢救場，勁sweet！唱足6首歌嘅Sinnie本想Encore，可惜因Overrun俾導演Ban咗，唯有下次囉！想感受咁精彩嘅演出，仲唔入嚟睇實況片！
