【Viu】Chris梁彥宗同Alton王智德今日出席ViuTV全新探險旅遊節目《兩條友．族暴走》記者會，分享拍攝難忘事，原來出發嗰程已經撞正10號波，去到外地亦波折重重，仲去咗個「吉」嘅機場，話唔淆就假嘅，兩位都不知幾驚拍唔夠15集內容呀！
第一次同Chris拍旅遊節目嘅Alton，自爆為咗唔丟臉而隱瞞水土不服，直至胃痛到「攣弓蝦米」先出聲。Chris又爆Alton喺印尼大受歡迎，當地人都以為佢係Oppa，不斷求合照，仲喺一個部落被族長認證為具神力氣質，所以揀咗Alton著「第5性別」嘅造型添！想了解更多拍攝趣事，以及Alton回應MIRO見面會風波，睇足本訪問就知啦！
