【Viu】MIRROR 運動擔當Alton今日都有落場參與渣打馬拉松，以49分鐘唔錯成績完成10K 。佢話賽前有同幾位鏡隊友約埋嚟，咁最後大家都縮晒？Alton又笑稱今朝諗好晒回應「姜濤轉會」傳聞，就係「唔知」同「唔了解」，笑C！
今日亦驚喜見到音樂才子林家謙，首參加即跑半馬，以2小時13分跑完。本尊沾沾知道自己夠氣所以大膽挑戰，係型嘅！問佢會唔會寫隻歌叫《運動系男生》？家謙竟話今年未必寫歌，仲話跑完今日要認真唞唞喎！
Phoebus@P1X3L處男下海挑戰10K，佢話平時只跑2、3K，今次算超額完成。Phoebus又話喺東廊段偶遇發哥，只敢遠觀唔敢打擾。「阿臣」曾贊學一樣跑10K，佢話下個目標要挑戰半馬呀！入嚟睇片就知道大家有幾熱血喇！
