【Viu】MIRROR嘅「夜粥小組」Lokman、AK、Alton、Frankie集氣成功，今晚喺亞博開《W.T.F.2 Live 2025》Part 2演唱會！有上次Part 1經驗，一眾鏡粉趁開騷前就行晒出嚟台邊「掛欄」，未開騷先興奮呀！而Part 2嘅台面設計同Part 1係相若嘅！
四子high爆出場，第一Part已經瘋狂勁歌熱舞，勢要炸爆亞博！唱到《虎道門》，四子再次出動鐵鏈攻勢，之後仲行到延伸台拉近同鏡粉愛的距離添！到下一首歌《兩名男子街頭相遇》，佢哋更索性落埋台，搞到全場鏡粉㷫恰恰，起勢尖叫兼歡呼！唱至後半part佢哋先再上返台，跟手唱埋《小心女人smooth criminals》，現場氣氛超高漲！
另外，嚟睇騷嘅有Tiger@MIRROR、Phoebus@P1X3L、Alice許寶恆、梁祖堯、湯駿業、Kenny關智斌、小儀等！呢晚冇入場唔緊要，依家即刻睇實況片啦！
