【Viu】Ivana王菀之噚晚嘅《王菀之演唱會 合體 澳門站》全場爆滿！Ivana用佢招牌嘅空靈靚聲，一口氣唱咗二十幾首歌，讓歌迷聽出耳油。後來點唱環節時，Ivana無啦啦自嘲：「其實我點解講錯嘢，因為我個人好慌……你估我一個人企喺度講嘢好容易？不如唔好我自己一個講啦，請佢上嚟同我講啦！」語畢，神秘嘉賓張敬軒突然登場！
「 皇上」上台後二話不說抱起「皇后」，呢個驚喜之舉搞到Ivana嚇親大叫，軒公抱住佢笑笑口話：「你又重咗！」Ivana鬼馬回應：「你可能係第一個做到呢個動作嘅男人。」軒公即刻補咗句：「唔怕，我帶咗腰封，哈哈！」全場即時笑到收唔到聲。放低Ivana之後，軒公深情咁同佢講：「我好開心，啱啱喺台下聽你唱歌，真係起雞皮，好好聽。」Ivana即刻話：「我哋唔會講假話㗎，難聽我哋會話，下次再見。」軒公接著認真咁話：「識你咁多年，都係咁冇變過。你話自己好慌，恭喜你終於知自己係方形啦。」
Ivana接話：「我哋上一次紅館合體時，係冇講嘢，今日講嘢啦所以。」軒公扮晒驚訝：「講咩？拜年？呢個場我好熟，呢度好老黎㗎，開騷一不離二，二不離三，三不離四，我都好似就返嚟喇。」講完又引來全場歡呼。跟住佢突然話鋒一轉，對住Ivana話：「我想話呢，我幾時可以脫離嘉賓身份，變成同你一齊再開騷呢？」軒公感嘆：「我哋對上合體就嚟……十年啦！」Ivana點頭話：「十年。我哋仲健在係一個福氣……」軒公稱：「如果呢個十年唔開，我哋就六十歲啦。」Ivana雙眼發光：「你算唔算依家邀請我呀？」軒公興奮話：「我哋今晚不如當係一個小小預演吖！」兩人喺全場觀眾見證下，合唱咗經典歌《手望》。
完騷之後受訪，Ivana話覺得噚晚演出算係very good show！對於軒公喺台上公開邀請佢合體開騷，Ivana 笑笑口話：「好感激佢嚟，佢都好忙㗎，啱啱身體又唔舒服，剛剛好返冇耐，多謝佢嚟澳門支持我啦。」至於會唔會合體再開騷？Ivana就話諗下先喎。
