【Viu】姜濤同Anson Lo完成《Cantopop321慈善演唱會》後精靈受訪，分別親解同Jason合唱《夕陽無限好》，以及Gin Lee跳唱《螢光粉紅》嘅原因。對於Jason笑指見到姜濤後有「身高恐懼」，姜濤就用金句回應，轉數好快喎！AL就話係自度黑超造型孖Gin Lee合唱，襯返歌詞，創意十足！提到喺台上大講Tiger金句，姜濤笑認見到ZPOT有年齡焦慮，畢竟4月就係27歲生日，加上望見師弟ZPOT咁後生；AL就話男人30一枝花，仲可以扮Cute添呀！啱喎！
講到姜濤即將啟程去美加開Tour，佢就劇透歌單有驚喜，仲係兩個字嘅情歌，大家估唔估到呢？AL就劇透即將推出嘅雙單曲MV造型「雙倍」繽紛，勁期待喎！
至於Edan、Jeremy同Jer早前孖佘詩曼、吳君如打牌笑料百出，AL笑指兄弟們嫌自己係「站長」而冇預，仲分享食糊趣事，想知就睇足本訪問啦！
