【Viu】MIRROR「士多啤梨組」 姜濤、Anson Lo、Edan、Jeremy今晚現身泰國出席音樂活動，同BKPP、蔡徐坤等同場！4子以「黑馬王子」look行紅地氈，型到裂，引來唔少粉絲尖叫！MIRROR獲頒年度最受歡迎組合獎，姜濤亦憑《On a SunnyDay》奪中港澳區及全球十大歌曲，勁！Jeremy打頭陣以泰文同大家打招呼，緊接就係Anson Lo、Jeremy、Edan、姜Admin再自我介紹。
Edan以英文分享話多謝支持《Strawberry Love》、支持MIRROR嘅人，話呢一個獎項係屬於大家！Jeremy就用英文表示好開心嚟到泰國同相當厲害嘅藝人出場，亦希望未來可以帶更多甜蜜嘅回憶畀大家。Edan再用普通話「接力」，當中提到：「我們會繼續做好我們的音樂，而且要特別謝謝我們的粉絲，也特別謝謝特地來泰國支持我們的粉絲。」Jeremy喺最後再用廣東話、英文表示多謝粉絲！
而「士多啤梨組」4子就梗係唔少得唱《Strawberry Love》，仲有《Day 0》、《Sheesh》，勁驚喜！4子又同泰國男團 PERSES crossover合作《你怎麼這麼可愛》，台上好熱鬧！台下原來「小如豬」都有嚟現場撐阿哥Edan，係愛呀！
另外4子返到酒店亦各自精彩，姜Admin專心休息。Lo Lo豬就拍片多謝神徒，更隔空送吻啜爆Fans。Jeremy、Edan就一齊開live傾咗陣偈，兒登更一邊隊住薯條飲泰奶茶，勁Chill！想感受士多啤梨組滿滿嘅愛，嗱嗱聲入嚟睇現場實況片啦！
