【Viu】一年一度嘅FILMART又嚟啦！首日舉行香港影視娛樂博覽2026啟動儀式，雖然影視娛樂大使黎明未有到場，但就預先拍片支持！佢表示香港嘅作品、音樂之所以走向國際，全賴一班傑出嘅創作人才，大讚佢哋係香港嘅無價之寶！戴住黑超嘅古天樂驚喜現身啟動儀式，期間見去年尾涉內幕交易案嘅影視大亨黃百鳴亦有孖馬時亨上台。
而Philip伍允龍今日就以頒獎嘉賓身份，現身電台劇本創作比賽，佢話私下都有同拍檔創作劇本，主題離唔開打打殺殺、武打路線，笑問會唔會加入英雄救美呢part、兼搵埋女友Renee做女主角？定遲吓寫套愛情片畀呢pair熱戀中嘅情侶拍？
問到知唔知《九龍城寨之圍城》終章嘅拍攝進度嗰陣，Philip指「王九」喺《城寨》入面已死，所以期待探班！咁佢會唔會陪訓練？有傳吳彥祖頂替木村拓哉參演終章，Philip又知唔知情？未能同吳彥祖對戲又可唔可惜？幾時開拍《龍頭》？
女友Renee近日榮升才女推首本個人寫真散文集，入面有啲sexy相，Philip有冇睇過本書？佢大方笑言冇ban啲sexy相，咁大個人都識諗嘅！下次孖住影生活照？另外，Renee最近受訪話結婚要等Philip開口，Philip聽到女友的呼喚會唔會即刻action？足本訪問片ready！
