【Viu】由Shirley沈殷怡同Asha徐㴓喬組成嘅「百日女團」PAWS，自公佈以嚟就成為網友熱話，兩位女神Shirley同Asha日前拍攝新歌MV時仲大騷長腿，並預告3月15號會開騷，同Fans齊齊進行「中期驗收」，期待值Max！
Shirley親解成團過程，原來全靠一餐飯就氹掂「老Best」Asha落叠，一圓做歌手嘅心願！不過女團又點止唱歌咁簡單呢？Shirley同Asha仲要苦練舞功，日跳夜跳，兩位「姐姐」不禁笑認骨頭脆，搞到周身骨痛呀！
除咗要特訓唱歌跳舞，節目組仲為PAWS準備健身教練操弗身形，Asha笑言同節目初期簡直判若兩人，依家嘅Fit爆身形大家都有目共睹啦！想知PAWS去韓國拍攝有咩趣事？兩位索女點樣吸引Oppa？睇足本訪問就一清二楚啦！
