【Viu】黃浩然、周家怡、Shirley沈殷怡、張達倫、敖嘉年、黃長興同魯文傑今日出席ViuTV新劇《翻盤下半場》記者會，浩然嘅角色左右逢源，除咗同家怡有「互擒床戲」，仲有女神Shirley主動獻吻，搞到佢要即刻澄清現實中冇試過畀後生女主動咀，但又話老婆一早已「檢視」過咀戲劇照，一齊睇都冇問題！
Shirley表示可以同浩然、家怡合作好開心，事關細細個就同媽咪一齊睇浩然啲劇，覺得兩位係電視走出嚟嘅人，最正係有家怡教自己揸車，仲想上埋《恨駕女團》添！浩然就話已經上咗家怡嘅節目，仲柯打咗海兒著女僕服，嘩！咁大膽得唔得㗎？
而張達倫、敖嘉年同魯文傑不斷拎黃長興嘅補腎廣告嚟搞Gag，魯文傑仲焗認最需要補腎；張達倫就推舉後生嘅George都要補一補。期間四位中佬大講浩然壞話，搞到佢要亂入澄清，想笑餐飽就睇足本訪問啦！
