【Viu】Chris黃凱芹下星期就喺紅館連開兩場《黃凱芹40年來香港演唱會2026》，今日努力練歌，獻唱經典金曲《雨中的戀人們》！講明今次齋唱自己歌嘅Chris，預告必唱一堆「集體回憶」經典歌，到時同fans大合唱！
因為開騷在即，Chris笑言喺農曆新年都要忍口，唔敢食糕、又少食粉麵飯，再每日跟台灣健身達人劉畊宏做60分鐘健身操，沾沾話都有啲成效㗎！咁到時係咪會晒「朱古力」腹肌？
嘉賓方面，Chris firm實會有周慧敏、阮兆祥、余劍明，合體唱新歌！佢又話如果許可，想邀請一男子做嘉賓，揚言睇好對方將係未來金像獎影帝，無奈rundown已firm冇得加減，或者要等下次了！另外，Chris日前受訪爆花姐曾喺電台門口等過佢，覺得既開心又榮幸，記得當年之間嘅互動？花姐係咩look？
Chris透露新碟將會喺月尾推出，自爆做埋包裝工人，順便喺其中360隻大碟簽上靚名，希望fans買到呢個「驚喜」，入面仲有佢特別準備嘅大禮㗎！除此之外，Chris終極送surprise，破天荒同兩間舊東家環球（寶麗金）、飛圖合作，3方聯手推出新曲加精選大碟，詳細資料就等Chris自己話畀大家聽啦！
