【Viu】Chris黃凱芹今日出席記者會宣傳3月18至19號喺九展Star Hall舉行嘅演唱會，門票將於聽日情人節公售，席間Chris化身最強sales落力狂Sell，又問有冇Fans想舔佢沾滿朱古力嘅手指，好Wild呀！
Chris聽聞放寬防疫限制可以同歌迷握手，都好期待同大家近距離接觸呀！佢又預告今次係四面台，仲有行騷嘅T台，所以唔敢喪食地道美食，努力keep好身形，又笑言要霸晒個台，唔會再請周慧敏做嘉賓喇！Chris又叮囑歌迷早啲到場買周邊產品，同埋睇Pre-Show，連時間表都幫大家安排好，呢位偶像真係貼心喇！
