【Viu】賀歲片《夜王》內含無限笑彈，背後除咗有「歡哥」黃子華主力發功之外，「土地」楊偉倫、「Ace」阿Dee@ERROR亦功不可沒！論頭三甲笑到觀眾笑到gap gap聲嘅場口，阿卵向子華神擘髀兼叫「含X」呢段一定入硬！呢場戲又係點度出嚟？阿卵條腿擘得太大拉傷咗？至於另一場係子華神設局令阿卵吞麻雀，又係邊個嘅idea？
阿Dee再次同偶像兼大佬子華神合作鬼咁興奮，咁唔知當佢知道要「問候」子華神嘅媽媽又有冇淆底？而呢次獲Sammi點名同阿卵rap夜王版《星秀傳說》，有冇令阿Dee增加推solo嘅信心？同殿堂級樂隊朱凌凌成員阿卵一齊rap又high唔high？阿卵指Sammi好nice、又愛笑，特別係次次互望都忍唔住爆笑，莫非阿卵真係太似許志安？
偈得興起之際，子華神突入叫join，係一個好機會當住本尊問吓阿Dee、阿卵對住子華神做戲怯唔怯啦！其實子華神之前有喺其他訪問大讚阿卵、阿Dee係攞正牌搞笑，呢句簡直係神級讚美說話！既然咁啱key，即刻再合作拍戲、或甚至合演舞台劇？佢哋又點睇？即刻去片睇足本訪問！
