【Viu】女團Lolly Talk今日齊人現身戶外音樂會，吸引大批Fans捧場！Lolly Talk直言已約滿舊公司，目前以獨立音樂人身份發展，仲大派定心丸話唔會解散，八個女仔會「齊上齊落」，同時亦會作個人發展，呼籲Fans唔使擔心。至於會唔會再簽公司呢？佢哋就話隨緣，仲搞Gag話：「可能啲公司睇唔啱我哋呢？」
講到Sinnie要同時兼顧兩個團體Lolly Talk同晚安莉莉，佢笑言只要有Job就有錢搭車出Job，希望各位金主多多搵Lolly Talk同晚安莉莉出Job，亦好開心有人正洽談Lolly Talk開騷，期待Max！而早前阿妹、Tania孖Carina@VIVA同坂部佩莎合拍嘅短片成網友熱話，推舉四位合組「170cm女團」，阿妹同Tania都話有興趣再合作拍片，仲爆笑推舉Elka先係Lolly Talk嘅「身形擔當」。想睇久違了嘅Lolly Talk嘈爆合體就睇足本訪問啦！
