【viu】女團Lolly Talk今日以「愛心大使」身份喺灣仔出席慈善晚宴，講到即將推出首張專輯，月尾仲會舉行發布會，佢哋話好緊張，因為當晚會首唱Bonus Track「0」！
Sinnie、Elka、阿妹主演嘅音樂劇亦喺月尾公演，佢哋話已經綵排得7788，下一個step就係踩台！Elka大爆同Sinnie有一條激烈嘅「感情線」，同時阿妹亦被爆同亨仔@ROVER有條感情線，Sinnie大叫話好羨慕亨仔，唔知當怕醜女阿妹遇上怕醜仔亨仔會係點？被班姊妹取笑演技嘅Sinnie又點反擊？
「打MeiYo」完賽後，兩位拳手MeiMei同阿Yo都話到呢個moment仲回味緊，阿Yo更因而升lv變「Yo姐」，MeiMei就笑話啲fans唔敢激嬲自己！拳賽都只係LTV嘅首個暗黑星團計劃，呢日LT率先大爆下個計劃內容，兼揭曉挑戰成員為阿妹、Yo姐！另外，LT又話近日正密密練打籃球同打排球，莫非佢哋會參加903籃球賽？快啲睇足本訪問聽LT劇透啦！
