【Viu】現年84歲嘅盧海鵬今晚文化中心舉行《盧海鵬鳴金收咪演唱會》，「三哥」苗僑偉、「三嫂」戚美珍同黃日華等齊齊現身拜神儀式，仲會粉墨登場做嘉賓，周潤發都專誠提早嚟畀利是鵬哥，巧有心呀！
期間由於鵬哥Mood到，三哥同華哥仲化身「兩人大轎」抬起「皇上」鵬哥轉移陣地受訪，認真搞笑！而鵬哥為咗養聲，訪問期間都好寡言，仲不斷想「試咪」，好難招架呀！
至於華哥就話當年拍劇因為講唔出對白，試過畀鵬哥當住全廠人大聲「試咪」，尷尬到自己想搵窿捐呀！三哥就好彩得多喇，因為生得黑黑實實兼高大，從來冇試過畀鵬哥「試咪」，仲話希望鵬哥再開咪，可以睇齊BLACKPINK開啟德咁話！想勾起更多集體回憶就睇足本訪問啦！
