【Viu】黃夏蕙今晚以「夏蕙慈善基金」搞咗個籌款晚宴，延開逾50席，盧海鵬、江圖、劉錫賢、周潤發胞姊周聰玲、黃榕同薛影儀等出席，好熱鬧。
夏蕙BB一身閃令令晚裝，預告龍年會以小龍女造型去上頭注香，仲邀請劉錫賢做楊過，但劉因一個理由拒絕。講到夏蕙姨預計3、4月開拍嘅《夏蕙傳》，劇情好震撼，夏蕙一出場已經係靈堂場面，90歲嘅佢話百無禁忌：「死過翻生都試過啦！」當中唔少得多姿多彩嘅情史，仲唔介意泳衣登場，真係聽見都好爆呀！陳建興會飾演老公潘炳烈嘅中年版，亡夫胡百全同女主角黃夏蕙人選未定，想知要有咩條件？就要聽吓夏蕙姨親述嘞。
鵬哥今日見咁多傳媒圍訪，差啲想試咪，不過中氣十足，佢透露右眼失明，但就每日風雨不改自己慢跑，想知鵬哥仲有冇戲癮同生活日常，記得睇足本訪問。
