【Viu】新城電台《樂動新城．慈善運音會》今日舉行，除咗邀得「舞台王者」郭富城做主禮嘉賓外，「明星足球隊」仲同「香港傳奇足球隊」比賽，以2:1勝出，家英哥自認係吉祥物，一帶波就可以「聞西分紅海」，黃日華仲封家英哥做「攞你命三千」，事關球隊贏波就會拎三千蚊出嚟請飲茶，笑爆全場呀！講到日前接受查小欣網台節目訪問講閨房事同遺產安排，引起軒然大波，家英哥大呻後悔，事關連累到阿姐都畀網友鬧，最嬲係對方連「床事」嗰part都出埋呀！
講完嬲豬事件後，家英哥又發揮「爆響口」本色，劇透會做Edan演唱會嘉賓兼唱《Only You》，口快快爆完料又驚驚，超Kawaii！
此外，城城今日心情大靚，主持開球禮時仲狂擺Pose！咦？莫非因為盛傳太太方媛今胎佗仔有關？城城就用「謎之口形」回應，留畀大家自行解讀喇！
