【Viu】Gigi炎明熹今晚出席活動，獲大批「Gi炎粉」冒寒支持，Gigi亦主動同Fans大合照「送暖」，相當識做！Gigi直言自組公司後一改內向性格，經常會提出意見，仲笑認係「常哦」，自認麻煩指數高達8分！
最近加盟新唱片公司嘅Gigi，自爆對公司廁所情有獨鍾，又話想同師兄林奕匡合作。笑指江湖傳聞姜濤「轉會」，令Gigi將榮升「師姐」，佢聽到「師姐」一詞即刻眼都凸埋，仲話自己唔想做師姐，只想做師妹。雖然冇聽過傳聞，但Gigi都想同姜濤合作，期待喎！
此外，對於網友指Gigi嘅新髮型同造型有徐子珊Feel，原來佢自己都覺得某啲角度相似，笑問會唔會學子珊咁推出《Hit Me》風格嘅Sexy歌？Gigi就勇於接受新挑戰，仲高呼想剃光頭添！想知點解就睇足本訪問啦！
