【Viu】Gigi炎明熹正式宣布再出發！今日舉行加盟記者會，正式加入Sony Music大中華區Family，成「金曲歌王」蕭敬騰師妹，堅係有料呀！好消息一不離二，二不離三，Gigi除咗即席首唱「復出」頭炮作《風旅》兼首播MV，仲公開埋未曾曝光嘅demo，畀現場嘅Gi炎粉先聽為快！
對加盟新公司，Gigi表示既緊張又激動，自爆感冒「突襲」，噚晚專登食多幾粒藥打底，好彩都冇影響演出！講到大中華區CEO Andrew指係極力游說Gigi加盟，Gigi怕醜話冇啲咁嘅事，咁佢係被咩打動而動筆？有冇8位數天價加盟費？承諾開演唱會？有對上一次經驗，選擇再簽公司有考慮清楚？佢透露今次嘅加盟「內幕」係其工作室「然后」同Sony合作，保證keep到自由度！唔知Gigi會唔會同Sony斟斟買返舊公司TVB啲歌？
Gigi唔止榮升大中華區「一姐」，更成老蕭師妹，CEO代老蕭傳話叫加油，搞到Gigi勁開心，期待有機會可以同師兄合作！另外，Gigi仲分享咗拍MV嘅趣事，想知就即刻去睇足本訪問啦！
