【Viu】張敬軒今日出席珠寶活動，親解設計概念，仲獲老闆楊受成送上由著名畫家徐悲鴻繪製嘅駿馬金牌，只此一塊，軒仔即笑言呢舖一定「馬上封侯」，猛呀！
軒仔今日除咗講珠寶外，仲話最想開傢俬舖，對床上用品尤其有研究，但就唔敢認「床上專家」，只係「寢室專家」啫，認真鬼馬！軒仔又透露早排放假去咗美國旅行，同埋韓國錄音，希望有朝一日香港都可以舉辦如《MAMA》一樣專業嘅頒獎禮。至於出歌同出碟大計呢？軒仔當然Plan好晒啦，不過唔講得之嘛，仲劇透呢隻碟豪花過百萬，打破入行以嚟嘅紀錄！
講到嚟緊2月1日就45歲生日，Fans即考古返一段軒仔喺N年前講「45歲結紮論」嘅短片，少少鹹多多趣嘅軒仔大方回應，仲話計劃有改變，莫非真係打算去「泰國捐精」？想睇「軒公開庫」講埋推薦Lolly Talk入英皇？親解捐現金助受大埔火災影響嘅Fans？大家記得睇足本訪問啦！
