【Viu】萬眾期待鄭秀文x張敬軒嘅拉闊騷今晚炸爆亞博。二人對唱《致我們的夢想》打頭陣，軒公再獨唱Sammi 早年名曲《哭泣遊戲》，勁正！二人又對唱憶蓮嘅《芝加哥的故事》，Sammi以黑絲配超短皮褲同軒公跳貼身舞，唔係唔嗌呀！
之後二人互唱對方Hit歌《不要驚動愛情》、《櫻花樹下》、《如何掉眼淚》、《餘震》、《回來我身邊》、《老了十歲》、《落錯車》、《笑忘書》，秒掀高潮。
唱完呢Part，二人終於停落嚟傾吓偈，Sammi表示對上一次唱拉闊係24年前，笑問歌迷：「你哋係咪未出世？」又話：「我終於知道點解叫拉闊唔係拉閘？因為佢哋將件事變到無限大。」軒公又稱綵排期間縮埋一邊偷睇Sammi表演，Mi姐即神回：「你邊有縮埋一邊？明明就坐喺隔離。」笑C！
尾聲時，二人換上運動衫跳唱《酷愛》、《叮噹》、《羅賓》、《煞科》，係Sammi先叫得郁軒公郁動貢多，小編今晚真係興奮到瞓唔着！想睇阿Mi軒公有幾正，現場實況片幫到你！
