【Viu】Jay Fung馮允謙首次個人戶外演唱會今晚喺西九舉行尾場，唱完新歌《手繪黑卡》後，Jay Fung喺Encore環節送上《愛斯基摩人之吻》同《會再見的》，再大贈送尾場限定嘅Second Encore《我好想你》同《在最好的時間做最好的你》，冧暈全場！
完騷後，Jay Fung興奮表示可以開戶外騷係夢想成真，所以自掏腰包買咗好多朱古力送畀現場觀眾，笑問點解唔派身上嘅「朱古力」呢？Jay Fung就話仲未Ready，連手臂都唔敢露，但就堅持要有跳唱環節，仲親解翻唱方大同金曲因由！
此外，講到早排喺網上音樂會翻唱《用背脊唱情歌》洗版，Jay Fung原來一度擔心「炒車」，仲話有留意前輩黃百鳴版本，自己都心思思Crossover㗎！今晚捧場有肥仔同Jeremy、炎明熹、劉沛蘅同Asha徐㴓喬、Amy Lo、林奕匡同力臻等，想知更多就睇足本訪問啦！
