【Viu】電影《金童》今晚舉行群星首映禮，主演張繼聰率領Rosa韋羅莎、劉皓嵐、林雪、「火星」蔣榮發、Dough-Boy等出場，獲Kay謝安琪、「助手」仔仔James、「神奇小子」Rex曹星如、「一秒拳王」周國賢現身撐場！
戲中含洋蔥部分，阿聰笑話要喊就喊晒㗎啦，依家係最放鬆嘅moment！講到佢攞咗6位數出嚟收尾，阿聰揚言冇票房壓力，都係隨緣，咁唔知想唔想衝影帝？
Rex今次擔任阿聰嘅教練，大讚阿聰勁有天分，係咪嚴師出高徒？阿聰則笑話唔好睇Rex外表斯斯文文，內裏好兇狠㗎，training嗰陣係笑住叫佢加操！佢又講到有幸同Rex實戰，唔知阿聰有冇被打傷內臟？被爆面？
阿聰大談拍攝嗰陣嘅辛酸，例如係喺冇替身連續打5日、每日9個鐘！電影以open ending作結，意味住有續集？阿聰會唔會再攞錢出嚟？「金主」Kay會唔會投資？
另外，Rosa重遇皓嵐大呼認唔出，眨吓眼就同自己一樣咁高！皓嵐指當時11歲仲未變聲，依家都17歲啦！唔知皓嵐仲記唔記得啲拍攝場口？Rosa難忘掌摑阿聰兼被強吻？見證老best朱栢康地獄式節食操肌？睇足本訪問就知啦！
