【Viu】森美、小儀、梁嘉琪今日為叱咤903《早霸王》主持最後一日節目。節目開首，由林海峰代表送上他親手畫兼集合全台同事簽名嘅巨型心意掛畫俾宣布退休嘅小儀，因小儀當年為親近偶像軟硬天師而加入商台。
喺節目中森美、小儀輪住喊，森美抹眼淚次數更比小儀多，巧感性呀！事後受訪，小儀笑指拍檔口賤心軟，更關心佢是咪身體有事先辭職！小儀解釋辭職衝動源於今年頭，最初目的只想11月生日月份唔使工作，後因年邁父親及小狗相繼生病就有此諗法。期間森美再次感動爆喊，表示年紀大有回想過錯，又認多年來常蝦小儀，亦有考慮跟隨對方步伐退休，但俾仔女「打咩」。
森美話有客戶已安排咗佢同小儀拍廣告賺錢，有傳小儀成為炎明熹經理人又點睇？而同樣今日離開商台嘅嘉琪就否認做闊太，更公開搲撈，大家可以考慮吓啦！
