【Viu】Jer柳應廷、Phoebus吳啟洋同Marf邱彥筒今日出席《全民造星VI》記者會,同一班師弟表演,Jer孖靚聲組19號Dave、22號Alvin Lai、34號丘藍、41號Jacky Fan同66號John Lam合唱《記憶倒行》,被稱為「Jer師兄」,仲話細細個就聽佢嘅《水刑物語》,嚇到Jer受訪時即刻自稱係「Jer仔」,仲勸各位師弟咪講呢啲,以免顯得佢年紀好大;又寄語師弟們唔好學自己咁留鬚,以免留低黑歷史,笑爆全場!
講到演唱會籌備情況,Jer話今次參與度好高,希望做到一個啱心意嘅騷,仲笑言會閉關打造「舞王Jer」,甚至會騷肌?Jer又自言尺度大,可以挑戰BL劇,真唔真呀?
此外,12號小雞、21號牛牛、34號丘藍、41號Jacky Fan分享同師兄師姐合作嘅感受,小雞自認係最嘈參賽者;牛牛大讚Phoebus好靚仔;丘藍話好友MC有畀貼士;Jacky就化身小迷弟向Jer示愛!想知就睇足本訪問啦!