【Viu】Jer@MIRROR今日現身《CHILL CLUB》錄影，透露會唱8至9首歌，十足係個mini concert咁！唔知會唔會唱新歌呢？日前Jer就宣布年尾會開兩場亞博騷，Stanley好快就即刻repost留言指如果Jer加場就會除衫，係咪真㗎？但當事人就話加場嘅話，係邀請大表波上台騷肌喎，定不如兩個齊齊上台battle？橫掂Jer自誇依家副body part part都勁過大表波：「我真係有大胸肌㗎講真！」自信心爆晒棚呀！
另一位巴打Edan都有repost宣傳，不過就加咗隻豬上去，Jer又點睇呢？Jeremy啱啱過咗牛一，Jer話因為要準備album而慶祝唔到，唔需要Jeremy公開「追數」都必定會「找數」！
早輪Jer為album、演唱會髮型勁傷腦筋，今日呢個look係咪final造型？Jer突然衝口而出話可能剷光頭skinhead，呢單嘢又係咪真咪？唔好大隻講喎！
直落講到佢上水回應poster嘅爭議，Jer坦言主要想講張poster並唔係大家所諗嘅咁簡單，背後團隊花咗唔少時間同心機，所以佢話點都會有少少唔開心！不過，對大家嘅comment，Jer表示會全部接受，又樂觀話就係想做啲與眾不同嘅嘢，更因為呢件事多咗朋友搵佢留飛，佢笑話就當係另類嘅宣傳啦！有冇再留意網民comment？MIRROR班兄弟又有冇安慰佢？新碟方面會係以咩形式呈現？想知更多就睇片啦！
