【Jer】Jer@MIRROR今日光臨灣仔海濱舉行「Jer仔 Music Live 2.0」，聚集數百位「柳炒」嚟聽歌，場面超墟冚呀，難怪Jer要出動埋「大抽嘢」啦！講到佢事前喺TG話會着大隻仔背心，但嚟到見到佢着住件短Tee，莫非佢縮沙？幾時「找數」先？有唔少柳炒晨早就嚟霸位，更有柳炒嘅燈牌曬到溶咗，Jer又點回饋返佢哋？
距離Jer上次喺尖沙嘴玩busking已經係5年前，佢話都期待咗好耐，希望遲啲可以搞多啲免費騷，唱歌畀柳炒聽！唔知下次會唔會考慮去觀濱呢？Jer話呢次搞busking其實係自肥，唱自己想唱嘅歌，仲話可以開放點歌時間，實行busking都有得encore！
兩場MIRO見面祭日前順利完成，Jer喺Day 1被姜濤同「大表哥」Stanley抬起，笑言畀機會佢哋練下腳力，唔知手力如何？Jer又澄清「足秤」係只秤肌肉呀！至於喺Day 2佢就要同Edan抬起姜濤，Jer形容嗰個moment係佢做咗咁耐gym嘅挑戰，雖然有啲吃力，但ok，好誠實呀！佢揚言最重曾舉過百幾kg，唔知佢估唔估到姜濤幾重呢？
Jer喺見面祭嗰陣不停同柳炒講11月見，莫非solo concert喺生日月舉行？柳炒做咗啲咩令佢最難忘？有冇被影黑圖？另外，Jer又預告小組團綜會喺7月開拍，地點係咪如Ian所願喺香港？當然佢仲有透露新歌s籌備進度啦！如果想知道晒以上資訊就要睇足本訪問啦！
