【Viu】《第43屆香港電影金像獎頒獎禮》今晚喺尖沙咀文化中心舉行，一眾藝人首先行紅地氈，許冠文同「一對仔女」衛詩雅、朱栢康被問到有冇信心《破 · 地獄》可大包圍擸晒啲奬？Michael San謙稱緊張因對手勁，但就吹奏朱康、Michelle攞硬！
朱康亦一副自信樣著咗開胸Oppa裝現身紅地氈，講到阿Sa對佢心心眼，朱康笑稱玩嘢！Michelle就帶埋老公周醫生亮相，佢表示老公已幫佢袋定一包紙巾。
客串《爸爸》囝囝成長版嘅Edan亦有隨團隊現身，佢負責上台介紹電影。咁劉青雲有冇信心再封帝，感言可超越「太空船論」？佢就咁答喇！首提名「女配角」嘅谷祖琳今日身材「谷」到行，佢淡定表示有信心，又指囡囡有嚟現場撐媽咪。
郭富城又有冇機會以《臨時劫案》「梅藍天」爭影帝？佢就表示如攞獎會上台「講多謝」喎！又話太太同囡囡們睇住電視撐佢。想睇紅地氈嘅豐富訪問，入嚟睇片啦！
