【Viu】姜濤生日應援，《Keung To Birthday Treasure Hunt 2025 & The Keung’s Show》壓軸項目就係各自超過10分鐘嘅無人機同海上煙火項目，姜家人席地而坐兼閃起燈牌欣賞表演，氣氛熱鬧！
無人機表演以「籃神姜」圖案揭開序幕，期間穿插象徵姜糖與姜濤獨特覊絆嘅「鐵線皇冠」、生日蛋糕、靚仔姜，同埋多首「姜歌」嘅圖案，最後出現「姜濤香港後援會」圖案時，全場姜糖拍手歡呼，答謝FC嘅悉心安排！
至於海上煙花則匠心獨運設計出「KT」字樣煙火，由粉紅色至金色閃現，令「KT」閃耀西九海面，尖叫聲此起彼落，為是日活動劃下完美句號！快啲睇現場實況啦！
