【viu】Ivy So@COLLAR今日喺尖沙咀出席活動，佢話好享受喺夏天出多啲街，同鍾意喺户外見fans多過喺室內，不過都有啲擔心越曬越黑，出親户外活動之後都會黑多一度！講到環保，Ivy平時會自帶水樽同餐具飯盒，呢排亦同芯駖少少哋轉食素，希望各方面都為環保做少少嘢，佢食素冇唔慣，之前做舞台劇都好多人介紹好食嘅素食餐廳俾佢！但佢排練時試整豬柳漢堡畀Collar其他成員食，仲自詡係Collar廚藝擔當，亦讚芯駖整嘢食都okay，最差係Candy喎！
被問到幫Finally拍《樓下的貓》MV，Ivy話初出道第一個去嘅綜藝節目就係小薯茄，MV裡面同朱Mic有親密戲份，佢話唔驚朱Mic收刀片，因為同Locker做舞台劇仲close啦，Locker都冇事，仲話早知MV有真貓就帶肥波出嚟客串下，賺吓罐罐錢喎！
Ivy透露Collar EP 密鑼緊鼓製作中，希望十月可以見人，當中有四首歌，呢排都密集式排舞錄音，準備拍四個MV，搞到同隊友日日見日日排，感覺好似返返去演唱會綵排嘅日子，好開心！快啲睇足本訪問啦！
