【Viu】Ivy So@COLLAR今日以吊帶白裙仔出沐浴露event，笑話拍廣告時要當住20幾人面前優雅地沖涼都有啲怕醜！佢又自爆沖涼嗰陣會沖邊part先，「蘇蝦」們想唔想知呢？數到沖得最耐嘅COLLAR成員，Ivy二話不說篤爆係Winka，仲有事例力證添！
啱啱去完越南旅行嘅Ivy，指前日先返香港，講到被同行兩個旅伴爆料，一個人獨食成個榴槤，Ivy笑住解釋係用咗兩日，共3餐先食得晒，唔怕燥爆只怕肥！而呢個trip嘅難忘事，Ivy就話係不停反艇，仲有食咗吳肇軒推介嘅螄蚶！
至於有份配音嘅動畫《反轉老朋友2》大獲好評，Ivy話鬆一口氣，因為事前好緊張，雖然得到COLLAR班姊妹鼓勵，但怕大家接受唔到佢把聲！提到姜濤、李司棋被指同戲中嘅「阿尷」、「阿愁」撞樣，Ivy話佢哋的確係幾神似，唔知如果堅會開真人版，佢又想做邊個角色？睇足本訪問片搵答案啦！
