【Viu】「浩南」鄭伊琪、伍家謙今日為ViuTV新節目《晚吹-GG家長指引》任主持。浩南升呢新手媽媽未夠3個月，急出山搵奶粉錢俾囝囝Quentin，佢講笑話「缺錢」，因為囝囝依家8kg食得瞓得。佢又沾沾話拍咗新節目後學到好多嘢，仲識去BB展攞着數。
講到會唔會再考慮生多個？浩南話同老公暫時趨向只生一個，仲話本住生女貴養、生仔平養宗旨訓練囝囝。
而有一對仔女嘅家謙，就話有趁空檔同浩南交流湊仔心得，佢又話喺屋企角色係康樂組，負責陪仔女玩、揸車送返學。家謙又興奮話9月尾獨享Me Time，放低老婆仔女去德國柏林跑全馬，更順便去英國探朋友喎！Fat Fat到呢！
