【Viu】雖然舊年ViuTV 講到明係《最後一屆口罩小姐選舉》，無奈一年過去疫情未退，唯有搞多場《尾二一屆口罩小姐選舉》，浩南同阿姨作為舊年嘅冠亞軍人馬，都撥行扇叫身邊啲靚女嚟參加，仲話《口罩小姐》其實係有錢搵嘅減肥營，好似浩南喺比賽期間減咗足足11KG，最後仲攞埋冠軍，真係名利雙收！而且佢哋仲喺ERROR四位隊長身上學到唔少成功嘅秘訣，好似阿DEE就最知人善任，內心仲好鬼溫文體貼；而肥仔就獨具慧眼；193就外表幽默內裡文靜！而浩南同阿姨作為師姐，都有分享一啲Tips俾今年嘅參賽者，提醒大家要清楚自己嘅定位，同埋要做足準備先好嚟參加海選啊！
