【Viu】港隊劍擊運動員Ryan蔡俊彥同Coco連翊希今日出席奧運活動，即席教小朋友打劍，型到裂！講到Ryan憑生鬼旁述人氣急升，佢笑言自己出街唔多人識，仲自爆有睇Coco喺友台嘅旁術偷師。Coco就笑指Ryan已經榮升「流量密碼」，社交網站已被Ryan金句洗版，最希望有趣嘅旁述令大家覺得體育唔再死板，可以帶嚟歡樂！
問到會唔會約「劍神」張家朗慶祝？Ryan竟然話想劍神請食飯，咦？咁係咪食菠蘿Pizza呢？佢同Coco就搞鬼回應喇！至於畀Edan以Kai嚟形容，Ryan就爆笑回應喇！
此外，女團VIVA都有捱夜睇奧運，Ada有留意Ryan嘅風趣旁述；VALC仲練過13年體操，希望有機會挑戰吓「講體操」添呀！
