【Viu】早前因打完波中暑休克暈倒，致下巴受傷而暫停巡唱休養嘅Eason陳奕迅，繼上星期康復後，首度現身拉闊軟硬音樂會做嘉賓後，亦正式重啟巡唱，8月9開始去寧波演出6 場，仲親自爬上1:1大型舞台裝置兼喪擺pose打卡，心情大靚！
Eason喺台上剖白心聲：「分享小小的感受，希望大家不要覺得太凝重，再重新開始巡迴演出 ，其實相當緊張，因為已有一段時間沒有唱 。其實我下巴傷口不是最嚴重，牙骹位置才是，因為有一些裂開，有一些骨頭碎掉，動太多肌肉就會有點酸酸的感覺，所以很矛盾，你不用它，有機會以後唱歌，就張不大口。」
適逢噚晚係七夕情人節，Eason喺encore時專誠獻唱《幸福摩天輪》，當唱到《路…一直都在》時，又畀全場觀眾嘅熱情反應感到到眼濕濕！
