【Viu】「城寨」Family林峯、胡子彤、German張文傑、Fish廖子妤、「魚旦妹」王尹菁，仲有Marf@COLLAR、林愷鈴今日為時裝品牌造勢，場面墟冚！
其中見子彤以長裙褲look登場，林峯、German都忍唔住嘩嘩聲讚靚，又抵死指胡子彤件top有少少窄，可以突顯到佢「豐滿」嘅身材！至於當事人就聲稱有打底，但冇剃腳毛，覺得好涼爽，又一臉自豪話自己完美carry到呢套outfit添！
林峯早前宣布澳門騷加開一場，笑話依家5場夠晒數，諗定想叫城寨兄弟s練定跳唱，到時上台做嘉賓！林峯冧指囡囡「格格」識唱佢首《愛在記憶中找你》，又笑話兩父女成日喺屋企「開騷」jam歌，唔知囡囡到時會唔會上台獻聲？另外，提到佢嘅舊愛吳千語近日完婚，林峯聞言即以一動作回應。
同場Marf大騷「絕對領域」，晒健康性感！佢指啱啱淨係見到韓國女星宋慧喬⋯啲頭髮，無緣同偶像合照！Marf指最近迷上拍Vlog，同Muffin開心share daily生活，不過自嘲容易三分鐘熱度，未知有冇動力keep住拍片！
講到佢最近喺Threads嘅小風波，Marf指曾被芯駖笑過佢「語障」，認識佢嘅人會知佢有時會「放飛自我」！自稱「I人」嘅Marf，竟然話遲啲想開fans meeting係齋talk，甚至有興趣開talk show？really？快啲睇片聽Marf點講啦！
