【Viu】Winka陳泳伽@COLLAR最近推出新歌《下回分解》，跟音樂製作人蘇道哲共同作曲，最初靈感來自Winka一次獨遊電車河經歷，見到一對男女曖眜互動，腦海瞬間浮現小劇場，從而哼出一段美妙旋律，Winka甜絲絲咁話：「想大家喺回憶櫃桶裏面，搵返好pure、好純粹，無條件喜歡一個人嘅心情。」
感情豐富又喜歡幻像嘅Winka直言「每日都有粉紅泡泡」，見到姊妹Marf公開戀情後咁開心，佢都好期待一段既穩定又甜蜜嘅愛情。不過，Winka曾經因為坦白分享舊情，惹起小風波，佢透露都有跟ex講sorry！經一事長一智，向來係「長氣擔當」嘅Winka現在變得慎言，由經常講經變到好沉默，但太極端都唔係辦法，訪問中Winka分享點樣搵返一個平衡點。
今年3月，COLLAR順利完成首個演唱會，但綵排期間，Winka一度因為自己跳舞唔叻，太大壓力搞到成面粒粒。好彩有Gao做最佳聆聽者、Marf用意象方法幫佢記舞步，想知咁多位姊妹點樣各自用唔同方式表達關懷，就等Winka一一細數大家知。
