【Viu】Winka陳泳伽@COLLAR今年度首支個人單曲《下回分解》已推出，首歌以一段男女曖昧故事為主題，想勾起大家昔日單純地去愛一個人嘅感覺。為配合歌曲浪漫氛圍，Winka特別去日本拍攝MV，但唔係由自己擔任女主角，而係搵嚟當地演員出任男女主角，Winka覺得佢哋非常相襯，笑言想當「月老」撮合佢哋！而今次拍攝，仲令Winka諗起去年跟COLLAR去日本拍團綜及團歌，話好掛住一班姊妹，連食嘢都冇咁滋味呀。
講返首新歌，今次作曲部份係由Winka跟音樂製作人阿道蘇道哲共同創作，Winka表示創作靈感主要係即興，即係唔係傳統坐喺琴前邊彈邊唱嗰啲，而係街度攞靈感，邊行邊創作，真係好破格！Winka仲搵埋Candy王家晴幫手俾意見，佢話：「 我畀咗兩個方向嘅melody佢聽，問佢作為聽眾感覺，所以嚴格來講，Candy都有功勞！」想知更多Winka今次作品點樣誕生，記得睇足本訪問片。
