【Viu】泰國人氣男神Win (Metawin Opas-iamkajorn) 噚晚獲頒第17屆亞洲電影大獎「亞洲飛躍演員獎」，佢昨午接受訪問時，話對於得到呢個獎項，深感榮幸，同時又分享喺香港拍第二部電影作品《Under Parallel Skies》嘅趣事，呢齣戲主要喺充滿本土特色嘅地方取景，Win話喺坪洲來來回回咗成個月，覺得嗰度好平靜、好舒服。Win亦去咗好多地方拍戲，包括大澳、九龍城，唔知佢有冇喺「小泰國」試吓家鄉菜呢？
講到同屬菲律賓籍導演Sigrid Bernardo同埋女主角Janella Salvador合作，Win話拍住國際性團隊開工極具挑戰性，因為英文唔係佢嘅第一語言，初頭覺得有困難㗎，好彩最後都順利拍攝，期間仲同Janella Salvador瘋狂做語言交流添！另外，Win家陣忙緊搞巡迴演唱會，究竟佢有冇計劃開香港站？即刻睇足本訪問，聽吓佢點講啦！
