【Viu】劉德華、謝霆鋒、呂良偉、許冠文、陳家樂同楊天宇等，今日出席新片《怒火漫延》開鏡拜神儀式，華仔同霆鋒繼《新少林寺》後，相隔12年再合作，除咗擔任主演外，華仔兼任監製，霆鋒就負責動作指導。華仔表示新片並非陳木勝遺作《怒火》嘅續集，但自己希望向陳木勝致敬，所以取名《怒火漫延》。問到向來唔錫身嘅霆鋒，喺動作設計上會唔會「加辣」？佢就話希望設計到令觀眾難忘嘅場口，大讚華哥身手不凡；華仔就話霆鋒有錫住自己，可以選擇「做唔到」某啲高難度動作！
此外，呂哥話好開心可以同兒時偶像許冠文合作，又讚霆鋒嘅肌肉超強，睇得齊自己咁話；華仔就係認真勤力嘅好監製。想睇3個唔同generation嘅型男點樣喺現場鬥Chok，睇埋足本訪問就Feel到咩叫靚仔到「走路有風」喇！
