【Viu】Angus楊天宇、陳家樂同李靖筠等今晚出席《陰目偵信》首映，日前被爆同「文青女神」林愷鈴拍拖嘅Angus，全程笑咪咪，大讚林愷鈴又高又靚，絕對符合自己嘅女神條件，仲話自己已經見過女方媽咪龔慈恩。
嘩！聽到呢度，係咪以為兩位真係拍拖呢？Angus就強調二人只係朋友，但有出街食飯傾偈，仲話將來嘅事冇人知，聽落又幾大發展空間噃！
陳家樂直認有八卦Angus嘅緋聞，仲話：「傳得多數係真啦！」咦，家樂呢句到底係以「過來人」身份，抑或「豬隊友」身份講呢？小編都睇唔透呀！各位睇埋足本訪問，搵吓有咩蛛絲馬跡啦！
