【Viu】AGA江海迦出道十年，處女紅館個唱因疫情延期一拖再拖，終於圓夢舉行首個紅館演唱會《AGA ONEDERFUL LIVE》，未婚夫「的士邦」鄭子邦一連兩晚現身撐場，大方企定定任影，問AGA個騷好唔好睇，的士邦甜笑話：「一陣先講！」
AGA尾場全場爆滿，繼續請來廿四味任嘉賓之外，仲同側田合唱《命硬》，原來兩位唱家班未入行已認識，喺酒吧相遇即刻jam歌，側田話：「我鍾意你好多歌，幾叻都冇用，最重要品味夾。」AGA落台準備下一part時，側田同觀眾 chitchat ，咁啱問中一位觀眾只得18歲，佢就自認係老牌歌手，好耐冇踏上紅館舞台，想盡情地唱，揀咗《情歌》solo。
唔少歌手都現身支持AGA，包括Pheobe吳啟洋、陳慧嫻、鄭融，蘇志威帶埋剛喺日本讀完烹飪嘅大女一齊嚟睇騷。想睇更多精彩演出，記得睇埋足本版嘞！
