【Viu】首個紅館騷曾兩度延期嘅AGA江海迦，日前宣布最終開騷日子係喺8月尾，同時被爆「雙喜臨門」，指佢早排閉關休息期間秘婚！咁猛料就梗係要搵當事人回應，AGA噚日孖YanTing周殷廷上《CHILL CLUB》做嘉賓，受訪嗰陣笑住自認「結婚」多年，最近仲收到超多恭喜message！唔通⋯真有其事？
至於講番紅館騷，AGA全程keep住個hyper mode，笑嘲自己應該係史上為一個騷影得最多演唱會poster嘅歌手，仲透露已經試埋衫添，有冇人魚腺睇到時就知！總之今次真係咩都阻唔到AGA開騷！YanTing亦勁醒目即場自薦做演唱會嘉賓，唔知佢成唔成功呢？另外，環球唱片大地震，高層Duncan日前正式離任退休，對佢哋又有冇影響呢？足本訪問片即到！
