【Viu】今日愉景灣沙灘真係super hot！首日音樂節就已經有勁多歌手朋友逐一出場，「九澤CP」陳零九、邱鋒澤再度快閃襲港，嚟得咁密難怪佢哋都話香港係第二個家！二子笑話好期待上台玩潑水，至於會唔會熱到除衫？佢哋就答得勁保守啦！零九最近孖Edan合唱《我們都是別人口中的壞人》，身為Edan嘅「正印」鋒澤搞笑話嬲到三日冇同零九聯絡，咁大件事？零九仲話呢首歌圓咗佢一個小時嘅夢添！
首次參與大型戶外騷嘅「煨sir」Jeffrey直認心情緊張，繼叱咤後台緊張到打牆，今次升級，喺休息室練咗套拳！但講到佢嚟沙灘着牛仔密實裝，Jeffrey笑話怕除完大家得個「喔」字，露出呢對麒麟臂已經係好盡力！台上預告9月出新歌，Jeffrey話係sweet嘅路線，派糖攻擊咖啡豆！
宣布出歌嘅仲有「情歌王子」Jay Fung！錄完歌、再拍埋MV先返「家鄉」加拿大出trip做嘢！而呢日參與沙灘騷、壓軸出場嘅佢超醒，見到前面有唔少歌手都除衫，轉頭諗住着多件褸上台，咁就順理成章滿足到fans而又唔使露肉，係叻嘅！依家就快啲睇足本訪問片啦！
